Speil, speil på veggen der....

Kyrne som kom lengst vekke frå, kom til Dyrsku'plassen torsdag kveld. Kyr frå Løten og frå Jæren fekk plass langs stokken, og overnatta på ei seng av sagspon.
Det meste gjekk Marie sin veg under Dyrsku'n i Seljord. Solajenta kom med 2 kyr, og reiste heim med 3 utmerkingar; beste NRF, beste Holstein, og vinnar av ungdomsmønstringa.
Familien Aarsland frå Time på Jæren, hadde med seg ei jerseyku, to holsteinkyr og ei NRF-ku, og to kalvar til Seljord. Alle dei fire søskena stiller kyr eller kalv under utstillinga.
Hanne Garfelt Paulsen hadde med seg to kyr frå buskapen til Henning Narmo på Løten. Kyrne vart vaska og fekk siste rundt med klippemaskinen torsdag kveld.
Dei viktige detaljane. Ingenting er tilfeldig når gromkua skal stillast ut.
NRF kyr, mjølka, strigla og stelt, og klar for natta.
Johan Aarsland finn seg godt tilrette, når han skal sjekka siste nytt på meldingsfronten.
Ein god kvil, både for folk og fe, etter ei lang reise og ei lang kveldsøkt.
Utstillingsansvarleg, Njål Vestøl, skodar ut over ustillingsplassen. Han kan konstatera at alt går etter planen. Folk og fe finn seg til rette, og publikum nyt dagen og opplevinga av geit, ku og kalv og engasjerte bønder.
Når høvet byr seg, er det berre å finna seg ein passande stad for en vel fortent timeout.
BU arrangerte konkurranse i eksteriørbedømming av to kyr. Før konkurransen tok til, vart samtlege dommarar einig om poengsum for dei to kyrne. Dommarane f.v. Carsten Houmann, Jersey og Holstein, Odd Roar Stenby og Jan Thorsen, begge dømmer gamle rasar, og Svein-Egil Skartveit og Gro Knudsen, NRF.
NRF-kua Solveig, frå besetninga til Henning Narmo på Løten, har 10115 Raastad som far, og 10361 Snøve er morfar. Solveig har hatt to kalvar. Solveig fekk 7 poeng for kropp og bein, og 3 poeng for jur, ein 2. premie.
Einaste Sidet Trønder og Nordlandsfe på utstillinga i Seljord, var frå besetninga til Ole Kristian S. Kildahl.
Avdeling for gamle rasar. Ei klasse som er dominert av Telemarkskyr.
Familien Kollerud kom frå Åmot til Seljord med tre jerseykyr.
Dei fire jerseykyrne i ringen under førehandsvurderinga. Dei tre frå venstre frå besetninga til Kollerud på Åmot, og kua til høgre frå besetninga til Aarsland i Time.
Med mykje kyr og tettpakka program, er det viktig med god flyt i logistikken. Bøndene må ha kyrne klar til rett tid, og få dei attende på plass etter at dei har fått si vurdering.
I klassa for holsteinkyr var det tre kyr, ei frå Joa Melk på Sola (fremst), og to frå Aarsland i Time. Kua frå Joa Melk vart kåra til beste Holstein. - Ho er tett på idealet for Holstein. Fremragande i bevegelse. Fin og korrekt beinbygging, reine og tørre hasar. Flott jurfeste både framme og bak, sa dommar Carsten Houmann, og ga kua 9 poeng for kropp og bein, og 5 poeng for jur, dagens høgaste poengsum.
Telemarkskua Fagerlin frå besetninga til Aslak Snarteland i Fyresdal. Far er 42546 og morfar er 7179 Hjartdølen. Fagerlin har hatt tre kalvar. Ho fekk 9 poeng for kropp og bein og 3,5 for jur.
STN kua fekk 8,5 poeng for kropp og bein, men vart trukke for to små marispener og fekk 3,5 poeng for jur. Kua kalva første kalven 11. august, rett under to år gammal. Far til kua er 44010.
Kalnes vg skule hadde med seg ei Østlandsk rødkolle til utstillinga. Kua er etter 6773 Brynjar, og morfar 44001 Larsbråten. Ho fekk 8,5 poeng for kropp og bein og 3,5 poeng for jur, og vart den av dei tre rødkollene som fekk høgast poengsum.
Søve (Nome vgs) var på Seljord med fleire kyr, blant anna telemarkskua, Gullrei. Gullrei har 42554 som far, morfar er 7143. Bak til venstre står telemarkskua Fagerlin frå Aslak Snørteland. Til høgre står Kalnes vgs si Østlandsk Rødkolle.
NRF-klassa presentert i ringen med den beste kua frå kvar besetning. Det vart delt ut fem 1. premiar i klassen, som bestod av 20 kyr.
NRF-kua Sussi frå Oddvar Stangebye, Prestfoss i Sigdal, var ein av dei som fekk 1.premie, med 8 poeng for kropp og bein, og 4 poeng for jur. Far til Sussi er 10468 Nord-Braut, morfar er 5664 Langvatn. Kua har hatt ein kalv.
Heimros vart kåra til beste telemarksku, og fekk både Dyrsku'bjølla og prisen for beste ungku fra Landslaget for Telemarksfe. Ho var den einaste i klassa som fekk 1. premie, med 8,5 poeng for kropp og bein og 4 poeng for jur. Eigar er Gunnar Haugo frå Rauland. Heimros har 42007 Oskar som far, og morfar er 42001 Stasar. - Rasetypisk, lågstillt ku i godt hold. God rygg, velforma kryss og gode bein. Velforma og godt festa jur med greie spener, sa dommar Jan Thorsen.
Smurfi vart kåra til beste ku i jerseyklassa, med 9 poeng for kropp og bein, og 4 poeng for jur. Smurfi vann til slutt Dyrsku'prisen, med best mogleg poengsum. - Ei harmonisk ku med bra størrelse. Rett rygg, langt kryss, velstilte bein, tørre fine hasar og fin bevegelse. Jur i balanse som er godt festa framme og bak. Fine spener med god plassering, rosa dommar Carsten Houmann. Far er 27034 DJ Zorba, morfar er 27003 Q Zik. Smurfi fekk første kalven i februar i år.
Ein stor dag for Gunnar Haugo, for barnebarnet, og for Heimros.
Tette band mellom ku og eigar.

Fine jur og lange bein. Det er lov å kommentera både form og størrelse, under kuutstillinga på Dyrsku’n i Seljord.

Liv Kristin Sola

Dyrsku’plassen bada i sol, skapte den beste ramma for kuutstillinga fredag 11. september. Ein folkefest.

Spennande variasjon

41 kyr av 6 ulike rasar, tevla i klassane NRF, Telemark og gamle rasar, Jersey og Holstein. Alle kyrne vart dømde enkeltvis, ei for ei, i løpet av føremiddagen. På grunn av tett program, gjorde dommarane sine vurdringar og sette poeng, utan at publikum fekk kommentarar eller informasjon om poengsum. Dei beste frå kvar besetning, innan kvar av klassane, vart presentert og kommentert i ringen seinare om ettermiddagen.

Smurfi, Heimros og Nala

Under årets utstilling var det jerseykua Smurfi frå Kine og Harald Kollerud, som gjekk heilt til topps og fekk Dyrskuprisen.

Telemarkskua Heimros, frå Gunnar Haugo, vart beste telemarksku, og fekk både Dyrskubjølla og vart kåra til beste ungku av Landslaget for Telemarksfe.

NRF-kua Nala, frå Joa Melk og mønstrar Marie H. Brådli, vann si klasse, og holsteinkua frå Joa Mjølk, fekk dagens høgaste poengsum, med 9 poeng for kropp og bein, og 5 poeng for jur.

Lang historie

Frå Dyrsku’n si historie : “Det heile starta i 1850-åra då det vart avvikla fesjå på ein rekke plassar i Telemark. Her møtte bøndene fram for å handle og selje, fyrst og fremst var det handel med dyr men etter kvart kom det òg andre varer til. Det var ikkje uvanleg at 4-500 dyr var for sal under marknadane.” (Tekst og bilete henta frå www.dyrskun.no)

Starta med telemarkskyr

Det var Telemarkskua det handla om i starten. Først etter krigen, vart det opna for andre rasar til utstillinga. Framleis er Dyrsku’n ein viktig møtestad for telemarkskua. Fleire av dei gamle norske rasane har lenge vore trua, men for første gong sidan dei starta registrering og telling, går talet på avlskyr opp for alle gamle rasane. Aller mest aukar talet på sidet trønderfe og nordlandsfe (sjå tabell under).

– Kvaliteten på dei gamle rasane har blitt betre, men det er framleis meir å hente, spesielt på jureksteriør. Men det går rette vegen, seier Jan Thorsen, som var ein av dommarane i klassa for telemark og gamle rasar.

Tabell: Antall avlskyr og besetninger med de bevaringsverdige storferasene. Tabellen viser telling per 31. desember fra 2011 til 2014 (www.telemarkfe.no).

	2011		2012		2013		2014
Rase	Avlskyr	Besetninger	Avlskyr	Besetninger	Avlskyr	Besetninger	Avlskyr	Besetninger
Dølafe	121	45	130	47	133	49	157	51
Østlandsk raudkolle	129	24	166	24	199	31	222	45
Vestlandsk raudkolle	130	47	119	49	128	46	146	49
Telemarkfe	333	98	301	83	276	81	298	94
Vestlandsk fjordfe	426	96	456	105	555	111	561	117
Sidet trønderfe og nordlandsfe	1016	263	1135	276	1191	277	1468	309

Del på Facebook

Stikkord denne saka: Avl, husdyrutstilling, Mjølkeku

Speil, speil på veggen der….

Spennande variasjon

Smurfi, Heimros og Nala

Lang historie

Starta med telemarkskyr