Nytt venskap:Randi kjenner seg att i så mange av dei problemstillingane Sisilia står i. Dei to har hatt mange gode samtalar rundt kjøkenbordet og i fjøset. Om å meistre kvardagen, om å prioritere og om å ta imot hjelp. Og om framtida som mjølkebønder.


MENTORORDNINGA I LANDBRUKET:

– Eg veit eg ikkje er åleine

Etter åtte år som mjølkebonde, har Sisilia Maria Tveitane fått mentor.
– No har eg heilt andre spørsmål enn eg hadde i starten, seier bonden.


Liv Kristin Sola


​Frå avkøyringa ved Suldalsosen snor den smale vegen seg oppover og innover skogen, forbi nokre hytter, så kjem du til Tveitane. På ein fin dag er det utsikt mot Hylsfjorden og over til Vanvik. Men ikkje i dag. Denne haustdagen heng regnet som eit grått teppe over Ryfylke.