DYRSKU'N:

Surmjølksost – moderne helsekost

Dei er magre og proppfulle av protein. Og dei kjem i mange variantar – frå den milde skjørosten, via pultosten, til den smaksrike gammalosten.


Liv Kristin Sola


Frå gammalt av vart mjølka foredla til ost, rømme og smør. Smør var det viktigaste salsproduktet som ga pengar til garden. Men når fløyten er separert vekk og syrna til rømme og kinna til smør, er det 90 prosent skummamjølk att. Den vart nytta til å lage skjørost, pultost, gammalost eller mager fjellost.