Vakta deg for resistens

Krevjande avveging: Sau og lam - og parasittar, på haustbeite. Når skal du behandle? Eller - skal du eigentleg behandle? Foto: Thea Hjertuslot


Resistens mot parasittbehandling er eit problem i mange land. Men ikkje her til lands – eller? Kor effektive er eigentleg medisinane me har mot dei parasittane dei skal handtere?


Liv Kristin Sola


80 prosent av saueflokkane i Rogaland har truleg parasittar som er resistente mot dei vanlegaste parasittmidlane. I større eller mindre grad. Det betyr folkens, at dei aller fleste sauene dykkar, har potensial for å bli resistent mot parasittbehandling.
Veterinær Atle Domke var klar i talen då han snakka til 90 sauebønder i Gjesdal i Rogaland, sist i oktober.