Ein plan for betre grisevelferd

Bra binge: Døme på ei god sjukebinge. Mjuk, med masse tørr og lun halm, god tilgang til mat og vatn. Medan ei stor purke som ho på biletet ikkje treng ekstra varme, kan det vera aktuelt for mindre dyr. Foto: Privat


For mange svinebønder i Rogaland kvir seg for å avliva sjuke og skadde dyr. Nå lanserer næringa ein rettleiar om tema. Ønsket er også at avlivingskurs blir obligatorisk for å få Helsegris-status.


Bothild Å. Nordsletten


– Vanvitig bra.


Rolf Gunnar Husveg, dagleg leiar ved slakteriet Fatland Jæren, er nøgd med utkastet til rettleiar for oppfølging av sjuke og skadde grisar. Han kallar den ei lågthengjande frukt for å visa at næringa tar dyrevelferd på alvor.