Plantar tre for friskare vassdrag

For fisken: Knut Ståle Eriksen (t.v.) og bonde Espen Jellestad er nøgd med løftet i Årslandsåna. Det er reinska skikkeleg opp, og steinar og grus er lagt ut for å skapa variasjon i elvestraumen.


I elvestryket hjå bonde Espen Jellestad bit endeleg fiskane på kroken.


Jane Brit Sande


I den iskalde blesten frå aust er ein gjeng godt kledde entusiastar i gang med å planta kantvegetasjon langs Årslandsåna. Espen Jellestad er bonde og grunneigar på Årsland i Hå. Det har blitt gjort ulike tiltak frå tid til anna gjennom dei siste 20 åra, seier han.


– Elva har vore heilt daud, utan at eg har tenkt over at det kunne vore fisk der. Visstnok kokte det med fisk i elva før, men den har vore utsett for blant anna silosaftutslepp som har tatt knekken på alt liv, seier Jellestad.