– Eksplosjon i nye saker

Endeleg svar: I Vestland har bønder som har søkt om støtte til solcellepanel venta lenge på svar – gjerne i fleire månadar. Årets jordbruksoppgjer kom med meir pengar i fornybar energi-potten, og det er godt nytt for desse bøndene. Mange av dei som har søkt om støtte til solcellepanel vil få svar no og framover mot sommaren, og mange av dei er positive. Illustrasjonsfoto: Istock.


I Vestland handsamar Innovasjon Norge ti gonger så mange energi-saker i år, som dei gjorde i 2020.


Jane Brit Sande


Åge Bremer er rådgjevar i Innovasjon Norge Vestland, og jobbar mellom anna med fornybar energi i landbruket. Årets søknadsbunke er betydeleg høgare enn den har vore tidlegare år.


– Det har vore ein eksplosjon i nye saker på fornybar energi, seier han til Bondevennen, og illustrerer:


– I 2020 hadde me fire-fem saker i Vestland. I 2022 var det kring 20. I år har me omtrent 40. Det er venta at doblinga held fram også til neste år.