Korleis takla vom-i-skinn

Vom-i-skinn: Tydeleg symptom på at muskulaturen berre er skadd på den eine sida. Slike skadar vil ofte gje ei væskesamling i området på grunn av kontakten mellom buken og låret. Foto: Rune Gjeraker


Når muskulaturen sviktar, klarar ikkje bukhinna lenger å halde på plass innhaldet i buken, inkludert mange kilo med foster. Delar av innhaldet kjem ut mot skinnet – altså vom-i-skinn. Kva du gjer, kjem an på det einskilde tilfellet.


Hildegunn Mugås, dyrlege ved Hestavangen Dyreklinikk på Voss, og sauebonde.


Eit enkelt google-søk gjev oss masse skrekkbilete av sauer med buken hengande i golvet. Det blir ropt om dyremishandling og bileta blir brukt som argument mot norsk landbruk. Det er kanskje ikkje så uforståeleg, men heldigvis er det ikkje heile sanninga.