Strammar inn driveplikta

Attgroing: Slik ser det ut når ein teig har vore ute av bruk ei tid. Illustrasjonsfoto: Øyvind Vatshelle.


Skal me auke matproduksjonen, må dyrkamark vere i drift. Driveplikta har blitt innskjerpa, og vestlandskommunar som tek tak ser tydelege resultat.


Anne Rivenes, frilansjournalist


I Høyanger har jordbrukssjef Randi Dale teke tak i driveplikt-problematikken. Fleire areal er no tilbake i produksjon. Ho starta i fjor. Gjekk gjennom landbrukseigedomane i kommunen, og sendte brev til grunneigarane med informasjon om nye retningsliner som seier at beitepussar ikkje er tilstrekkeleg for å oppretthalde driveplikta.


– Straks kom det mange søknadar om fritak frå driveplikta. Det vart mange saker å gå nøye inn i, seier Dale.