Kritisk til Grytten-rapporten

Ikkje nøgd: Sven Martin Håland er ikkje nøgd med innhaldet i Grytten-rapporten. Han meiner mellom anna at rapporten er for sterkt bunden til kva som er politisk gangbart.


– Til fleire gonger det blir gjenteke at rapporten er samvitsfull og fagleg, til meir luktar eg lunta. Dette er meir politikk enn fag, seier bonde, bondeopprørar og leiar i Sandnes Bondelag, Sven Martin Håland, til Bondevennen, rett etter at rapporten er presentert.


Sjur Håland


Håland er kritisk til at når inntekt og inntektsdanning blir presentert, blir det synt til næringslivet.


– Men i næringslivet er inntekta høg, og når bonden si inntekt blir trekt fram, blir me samanlikna med industriarbeidarar med lågare inntekt. Her blir eple og pærer sausa saman og presentert som eit bilete.