Vestlandsbonden har takla krevjande situasjonar før

Berre å krumme ryggen: Det tærer på motivasjonen når husdyrgjødsla må spreiast for hand. Illustrasjonsbilete frå Osterøy.


– I år, av alle år, hadde me fortent å kunne hauste mykje grovfôr av god kvalitet for å sleppa å kjøpe så mykje dyrt kraftfôr, seier bonde og fôringsrådgivar i Tine, Kari Marie Njåstad. Når det ikkje vart slik, har ho likevel nokre gode råd på lur.


Liv Kristin Sola, frilansjournalist


Etter nærare tre månadar med regn kom sola og varmen då august vart til september. Det redda andreslåtten for mange i vest. Andre fekk hauste ei avling på areal som dei eigentleg hadde gitt opp håpet om å berge.