Meir korn på Jæren – kvifor ikkje?

Starta med øl: Sverre Grimstad ville brygga øl på jærske råvarer. Han mangla kornmottak og -tørke, så han bygde det i sitt eige tun. Han håpar at kornarealet på Jæren vil auke meir


Gode grasavlingar gir meir rom for korn på Jæren. Så kan regionen bidra meir i arbeidet for å auka den norske kornandelen?


Jane Brit Sande


Førre veke publiserte NRK saka om jærbonden Jon Lea som tok ein sjanse i fjor - han sådde haustkveite som skulle bli til matkveite. Alt tyder på at kveiten held god nok kvalitet, og vel så det. Nyheita vekte nok både bønder, forbrukarar og politikarar. Jæren er kjend for gras og husdyr. Ikkje matkveite. Det er det Trøndelag og Austlandet som tradisjonelt sett har forsynt marknaden med.

Einaste i Rogaland

Sverre Grimstad driv fylkets einaste kornmottak og -tørke; Jæren korn og malt.


– Me er «the missing link» for kornbøndene som vil noko meir enn å produsera fôrkorn, seier han til Bondevennen.