Sjå opp for Sjodogg

Robuste små: Lam under to veker gamle ser ut til å få mildare sjukdom enn eldre lam når dei kjem i kontakt med flått. Mykje tyder på at det er lurt å tilpassa lamminga slik at du kan sleppa dyra tidleg ut på beite dersom du er mykje plaga med sjodogg. Du kan også førebygga sjukdom med medikament og/ eller beiterydding. Biletet er frå garden Råum i Gaupne i Luster kommune, i Indre Sogn.


Driv du i område med flått? Då bør du vera på vakt for sjodogg, særleg på lam.


Oddfrid Vange Bergfjord,
privatpraktiserande dyrlege i Sogndal og Luster, og frilansjournalist for Buskap 


Sjodogg råkar i område med flått, og lam er spesielt utsett. Bakterien bryt ned immunforsvaret og lamma kan døy av mindre alvorlege sjukdommar. I fylgje Animalia vert om lag 300.000 lam smitta av sjodogg kvart år her til lands. Det er ein flåttboren sjukdom som finst i alle område der det er flått, men ulike variantar av bakterien som er årsak til sjukdommen gjer at sjodogg kan utarta seg med litt ulik grad av aggressivitet.