Meiner bøndene må stå på kravet

Rett og rimeleg: Sven Martin Håland oppmodar bøndene til å ikkje bli blenda av høge tal, men ta inn over seg at kravet frå jordbruket er rett og rimeleg.


Jordbruket sitt krav i jordbruksforhandlingane på 11,5 milliardar kroner vart møtt med eit tilbod frå staten på 8,9 milliardar. – Nå må me stå fast på kravet, seier Sven Martin Håland.


Sjur Håland


Håland er leiar i Sandnes Bondelag og særleg kjent som ein av aktørane bak grasrotaksjonen Bondeopprøret, som vart lagt ned tidlegare i år. Nå er han aller mest oppteken av at bøndene tek inn over seg at kravet var rett og rimeleg.


– Faglaga må våga å stå ved det tøffe kravet og våga å forsvara det heilt fram, seier han.