Inviterte til skulebesøk

Griseslakt: Same dagen som elevane frå Goa skule var på besøk, måtte ein gris i skulefjøset slaktast. Elevane fekk studera kjøtstykka.


Rogaland Bondelag slår seg saman med landbruksskulane i fylket for å rekruttera ungdom til landbruksfaga.


Jane Brit Sande


Landbruket har eit enormt kompetansebehov, og folk med høgare utdanning er ettertrakta. For å møta dette behovet, har Rogaland Bondelag, Øksnevad og Tveit vidaregåande skular, samt næringsmiddelindustrien, gått saman om eit prosjekt der målet er å auka rekrutteringa til naturbruksfaga og landbruksnæringa.


– Øksnevad er ein god stad å starta, også om ein vil studera heilt andre fag, seier Kjell Øystein Håkonsen, utviklingsrådgivar ved skulen.