Heldige: Iris og Jone Sør-Reime har kjøpt seg gard på Vigrestad. Det unge paret seier dei har vore heldige og får det til å sviva rundt.

Sparer ikkje på gjødsla

Iris og Jone Sør-Reime ventar på våren. Vigrestad-bøndene er opptekneav å laga godt grovfôr og vil ikkje spara på det som trengst av verkenkonserveringsmiddel eller mineralgjødsel for å få det til.


Sjur Håland


– Om mykje har blitt dyrare og me må spara, blir ikkje det på gjødsla. Godt grovfôr er den viktigaste innsatsfaktoren som avgjer om me tenar pengar på det me driv med, seier Iris.


Dei skal snart til med tredje våronna som bønder på eigen gard. 70 dekar skal pløyast og såast til med grasfrø, og 600 dekar vårbleik eng og beite skal dynkast med svart husdyrgjødsel. Men først må våren koma. Det er nokre veker til å venta, men i mellomtida har dei nok å henga fingrane i.