Tett på: Utefôring kan gje tett kontakt med dyra, men det kan også vere lurt å ha grinder og høve til å gjere arbeid uten å ha dyra tett på.

Fôringsplass ute i staden for fjøs?

Ein fôringsplass ute kan vere ei enkel og rimeleg løysing. Men det passar ikkje for alle. Fire pilotbønder deler sine erfaringar.


Anne Rivenes, frilansjournalist / Foto: Privat


Å byggje fjøs blir stadig dyrare. Har interessa auka for å lage utandørs fôringsplass i staden?


– Det er heile tida fleire som vurderer det, seier Leif Trygve Berge i NLR Vest.


Han har vurdert dei fire pilotbygga for utandørsfôring i prosjektet Landskap i Drift som Statsforvaltaren i Vestland stod bak frå 2014 til 2019. Fire vestlandsgardar fekk god oppfølging i plan- og byggjeprosessen, og no er evaluering av utefôringsprosjektet klar. Mykje skil seg frå gard til gard, men nokre sanningar gjeld for alle.