Geiter er meir enn søte maskotar

Krev meir: Geitemjølkprodusentar vil ha betalt for produktet dei leverer, ikkje berre for å pynte den norske naturen, seier Andreas Wollnick Wiese. Foto: Privat


Heller ikkje geitebønder kan leve av skryt åleine. Høgare pris på mjølka og meir produktutvikling må til, meiner Andreas Wollnick Wiese, som fryktar for geitenæringa si framtid.


Anne Rivenes, frilansjournalist


Det er i sommarferien at folk oppdagar det finst geiter her i landet. Til fjells og til seters.


– Geiter vert halde fram som bilete på kva landbruk me ynskjer, med bruk av utmarksressursar og støling. Det er ein triveleg del av landbruket som mange likar å snakke om, men me i næringa kan ikkje leve av at folk synest det er hyggjeleg, seier Andreas Wollnick Wiese.