Lang erfaring: Frode Hetland har vore nødslaktar i ei årrekkje. Han hugsar framleis sin første dag i jobben. – Det var kjempetøft, både spanande og utfordrande på ein gong, seier han.

Når alt anna er prøvd

Det er strenge reglar for dyr som skal sendast til slakteriet. Men kva når kua ikkje kan vere med vidare i produksjonen, og heller ikkje kan sendast til slakteriet på ordinært vis? Då kjem nødslaktar Frode Hetland til unnsetning.


Jane Brit Sande


– Ho kalva tidlegare i dag, seier bonde Ivar Rege om kua han har bestilt nødslakt til.


– Korkje eg eller veterinæren var i tvil om at nødslakt var det rette valet denne gong, seier han.


Bondevennen er med nødslaktar Frode Hetland på jobb ein onsdag ettermiddag. På kort tid får han to oppdrag, eit på Sola og eit på Bryne.