Stor satsingsvilje, men snart er kassa tom

Stopp eller sats? Mange vil investera for å møte lausdriftskravet, men midlane frå Innovasjon Norge byrjar å ta slutt. Foto: Illustrasjonsfoto


I fjor var IN-midlane brukt opp før sommaren. I år kan det bli tomt til påske. - Situasjonen er krevjande, men samstundes er det svært positivt at så mange vil investere, seier Ole-Andreas Smette i IN Vestland.


Liv Kristin Sola


I førre veke melde Bondevennen om stor pågang av søknadar til Innovasjon Norge sitt kontor i Rogaland. Finansieringsrådgivar Olav Tegle kunne betalt ut heile potten på rundt førti millionar allereie etter første veka i januar, dersom han hadde godkjent alle søknadane han hadde fått på bordet.
Ein telefonrunde til IN i Agder og Vestland viser at situasjonen der er likeeins. Både Lilly Kristine Berland i Agder og Ole-Andreas Smette i Vestland har nok annonserte prosjekt til å kunne bruke heile potten.


Les også:
IN druknar i søknadar
Krev investeringspakke for mjølk
– Skeivt fordelte midlar 

Gledeleg auke

Lilly Berland er varsla minst femten mjølkebruk som truleg vil søke tilskot i år.


– Har du pengar til desse?


– Nei, truleg ikkje, seier Berland.


– Vi har kring tretti millionar i potten. Det skal rekke til meir enn mjølk.


Mjølkebøndene i sør har vore avventande. Økonomien i prosjekta har vore for dårleg, men etter mange kompromiss og kutt inn til beinet, er det no fleire som er klar til å investere, gitt at dei får tilskot.


– Då må vi klare å følgje opp, seier Berland.


– Kva tenker du om at Stortinget gjer eit vedtak om lausdriftskrav, for så utfordre fellespotten og på mange måtar seigpine prosessen dei neste ti åra?