Ammeslutt med patteplate?

Sterke band: Banda mellom ku og kalv er sterke. Skiljeprosessen kan vera krevjande. Denne kalven er fødd i haust og skal gå med mora i lang tid framover.


Går det an å venja kalv frå ku ved innsett utan rauting? –Ikkje heilt, erfarer bonde Alf Magne Seglem. – Prøv patteplate, tilrår veterinær.


Sjur Håland


Seglem har totalt 170 storfe på garden, pluss 60 sauer. Ammekubesetninga har vore dominert av hereford, men nå har han gått inn på angusavtale med Nortura og Prima Jæren. Driftsbygningen hans på Eigerøya i Egersund var ny i fjor.
Her har Seglem mellom anna investert i både måkerobot og miksevogn. Bonden hadde 50 kyr som kalva i vår, og har 35 haustbære. Når Bondevennen er på besøk ein av dei siste dagane i august, er det 12 kyr som enda ikkje har kalva. Nå minkar det på utmarksbeitet, som han leiger på Sleveland, og om få dagar skal 60 dyr heim.

Tar dyra inn

Bonden held fram at den naturlege prosessen med avvenjing kan verka brå, men må gå sin gang, utan at det er så mykje å gjera. Men han er nøye med å skilja ku og kalv etter at dei har kome inn. Å skilja på beite er ikkje aktuelt.