Fjord og fjell: Det skal ikkje stå på utsikta hjå Margunn og Håvard, sjølv på ein grå dag som denne. Familiens gjetarhund heiter Hera.


Margunn og Håvard Øvsthus førebur seg på ein travel vår, med lemming og konfirmasjon på same tid. Så kjem den fine tida med fjellbeite og tilsynsturar til fjells.


Jane Brit Sande

Margunn og Håvard Øvsthus driv med sau på Varaldsøy. Med sine 42 km2 er det den største øya i Hardangerfjorden. Garden er Håvard sin heimegard, og dei tok over i 2005. Ny løe stod klar i 2012. Dei er begge i arbeid i tillegg til gardsdrifta. Margunn jobbar i barnehage. Håvard køyrer gravemaskin for ein lokal entreprenør.

– Eg har hatt oppdrag her på øya dei siste månadane. Det er herleg med kort veg til arbeid. Margunn kjem med ferja om eit par timar, seier Håvard.

Gode lam

I fjøset står 57 søyer som skal ha lam om nokre veker.