Nam. nam: Løk, kvitløk, brokkoli, squash, rødbeter, knutekål.
Kva skal me ha til middag i dag? Eg tek ein runde i hagen med korg og kniv. Ferske grønsaker, nye poteter og nyplukka bondebønner er så godt at det utgjer minst tre fjerdedelar av maten på tallerkenen.
Raskt å laga til er det også. Små, nyhausta grønsaker treng nemleg ikkje lange tida i omnen/gryta/panna.
Dei fyrste raudbetane kokar eg ikkje ein gong: Eg vaskar, skreller, skjer opp i tynne skiver. Knallgodt på brødskiva med leverpostei. Eller rasp dei, bland gjerne med gulrot og/eller eple og dryp over litt appelsinsaft.
Knutekål tykkjer eg også er best rå, oppskåren. Kjenner du ikkje knutekål? Dei smakar som ein mellomting av nepe og kålrot.
Den fyrste spisskålen likar eg best smørdampa.